د روغتیایي خدمتونو وړاندې کولو مرستیال د ماشوم روغتیا (اندراگاندي) روغتون څخه نظارت تر سره کړ
د عامې روغتیا وزارت د روغتیایي خدمتونو وړاندې کولو مرستیال، ښاغلي مولوي عبدالولي حقاني د معالجوي طب لوی ریاست تخنیکي ټیم په ملتیا د ماشوم روغتیا (اندراگاندي) روغتون څخه نظارت تر سره کړ
د یاد نظارت په ترڅ کې، چې موخه یې په ټول هېواد کې له دولتي او خصوصي روغتونونو بشپړه څارنه، د چارو شفافیت او په معیاري توګه هېوادوالو ته د روغتیايي خدمتونو وړاندې کول دي، د عامې روغتیا وزارت د روغتیایي خدمتونو وړاندې کولو مرستیال او یو شمېر نورو مسؤلینو ګډون درلود.
د روغتیایي خدمتونو وړاندې کولو مرستیال، د دغه روغتون له رئیس او اړوندو مسؤلینو سره د لیدنې پر مهال وویل، هر څوک دې خپل مسؤلیتونه وپېژني او په ښه ډول یې تر سره کړي.
دغه راز، د معالجوي طب لوی رئیس، ډاکټر وحدت الکوزي هم مسؤلینو ته د لازمو خدمتونو پر وړاندې کولو ټینګار وکړ او د نیمګړتیاوو د حل په موخه یې اړینې سپارښتنې وکړې.
همدارنګه، د یاد روغتون رئیس د نظارت هرکلی وکړ او دا یې د روغتون چارو پیاوړتیا او چټکتیا لپاره ګټور وباله.
