د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني کندز ولایت ته د سفر په ترڅ کې له یو شمېر روغتیايي مرکزونو څخه لیدنه او نظارت تر سره کړ

rasooli_admin
دوشنبه ۱۴۰۵/۷/۶ - ۱۶:۴۲
moph

د روغتيايي خدمتونو وړاندې کولو مرستيال او مل پلاوي د کندز ولایت د عامې روغتیا رئیس ډاکټر محمدالله حکمت په ملتیا، د کندز سیمه ییز روغتون، ۵۰ بستریز روغتون، د خان‌آباد ولسوالۍ د نیک‌پي جامع کلینیک او د قلعه‌ ذال ولسوالۍ د آقتپې جامع کلینیک څخه لیدنې او نظارتونه وکړل.

په دې لیدنو کې د روغتیايي خدمتونو وړاندې کولو مرستیال د یادو روغتیايي مرکزونو بېلابېلې څانګې وکتلې، د ناروغانو احوال یې واخیست او د روغتیايي خدمتونو وړاندې کولو بهیر، د خدمتونو کیفیت، له ناروغانو سره د چلند او د هغوی د ستونزو د حل بهیر یې له نږدې وليد.

همدارنګه، ښاغلي عبدالولي حقاني روغتیايي مسؤلینو او کارکوونکو ته سپارښتنه وکړه، چې له ناروغانو او مراجعینو سره د نېک چلند ترڅنګ د هغوی ستونزو او اړتیاوو ته پر وخت رسېدنه وکړي او د روغتیايي خدمتونو د کیفیت ښه والي لپاره خپلې هڅې لا زیاتې کړي.

هغه د روغتیايي خدمتونو له کیفیت څخه د رضایت څرګندولو او د روغتیايي مسؤلینو او کارکوونکو له هڅو څخه د قدردانۍ ترڅنګ د روغتیايي خدمتونو د کیفیت لوړولو او د کندز ولایت اوسېدونکو ته د معیاري روغتیايي خدمتونو وړاندې کولو لپاره پر دوامداره هڅو ټینګار وکړ.

تازه خبرونه

چهارشنبه ۱۴۰۵/۸/۶ - ۱۶:۲۴
Background image

د بارورۍ روغتیا د ستراتیژۍ بیاکتنې او تدوین په موخه د رهبرۍ او تخنیکي کمېټې غونډه ترسره شوه

یاده غونډه د عامې روغتیا وزارت د پلان او پاليسۍ لوی رئیس، ډاکټر سید رسول منګل په مشرۍ ترسره شوه، چې په کې د دغه وزارت يو شمېر مرکزي رئیسانو، د UNFPA، روغتیا نړیوال سازمان او UNICEF ادار. . .

چهارشنبه ۱۴۰۵/۸/۶ - ۹:۹
Background image

د کابل ښار پل خشتي سیمه کې د رضاکارانه وینې راټولولو کمپاین ترسره شو

د عامې روغتیا وزارت د وینې ملي بانک له لوري د کابل ښار پل خشتي سیمه کې د عامه پوهاوي او رضاکارانه وینې راټولولو کمپاین ترسره شو.

په دغه کمپاین کې له ۲۸ تنو هېوادوالو څخه ۱۴ زره سي‌ سي. . .

چهارشنبه ۱۴۰۵/۸/۶ - ۹:۲
Background image

د ولایتونو روغتیايي ناظمینو ته ۴۲۰ عرادې موټرسایکلونه پېرل کېږي

د عامې روغتیا وزارت په پام کې لري، چې په ولایتونو کې د روغتیايي خدمتونو د څارنې بهیر د لا پیاوړتیا او اړوندو چارو د اسانتیا په موخه د روغتیايي ناظمینو لپاره ۴۲۰ عرادې موټرسایکلونه وپېري. . .

BACK TO NEWS