د عامې روغتیا وزارت د نظارت رئیس، ډاکټر کریم الله حلیمي او مل پلاوي د ISLAMIC RELIEF مؤسسې له لوري د تمویلونکي روغتیايي مرکز له فعالیتونو څخه نظارت تر سره کړ
یاد نظارت چې موخه یې د روغتیایي خدمتونو کیفیت لوړل، هېوادوالو ته په معیاري توګه د روغتیايي خدمتونو وړاندې کول او چارو کې شفافیت دی، په ترڅ کې یې ډاکټر کریم الله حلیمي او مل تخنیکي ټیم د یاد روغتیایي مرکز له فعالیتونو څخه لیدنه وکړه، ستونزې او نیمګړتیاوې یې په نښه او د حل په موخه یې له اړوندو مسؤلینو سره شریکې کړې.
د نظارت رئیس دغه راز، روغتیايي کارکوونکو ته سپارښتنې وکړې، چې د ناروغانو ستونزو ته د رسېدنې، درملنې او معیاري خدماتو برخو کې لا زیاتې هڅې وکړي.
همداراز، د پروژې مسؤلینو ته سپارښتنه وشوه، چې د عامې روغتیا وزارت سره د شوي هوکړه لیک سره سم معیاري او با کیفیته خدمات وړاندې کړي.
د یادونې وړ ده، چې ISLAMIC RELIEF مؤسسه په مرکز کابل کې د روغتیا، ښوونې او معیشیت برخه کې د خدماتو وړاندې کولو مسؤلیت په غاړه لري.
