د عامې روغتیا وزیر، ښاغلي مولوي نور جلال جلالي سره د کابل والي، مولوي امین الله لیدنه وکړه
په دې لیدنه کې د کابل اوسېدونکو ته د روغتیايي خدمتونو وړاندې کولو، ولسوالیو په کچه د روغتونونو جوړولو، د کابل په څلورګونو دروازو کې د امبولانس خدمتونو پراخېدو، په لویو لارو کې د ټروما سنټر جوړولو او د کابل په روغتونونو کې د خدمتونو لا معیاري کولو اړوند بحث او خبرې ترسره شوې.
ښاغلي وزیر، د هېواد ټولو ولسونو ته د معیاري روغتیايي خدمتونو رسول د یاد وزارت دنده وبلله او په یادو برخو کې یې د دوه اړخیزې همغږۍ له لارې د بشپړې همکارۍ او پاملرنې ډاډ څرګند کړ.
بل لور د کابل والي په هېواد کې د روغتیايي خدمتونو پراختیا مهم ګام یاد کړ او په دې برخه کې یې د روغتیا وزارت رهبرۍ هڅې وستایلې.
