د عامې روغتیا وزیر د اقتصاد وزیر سره وکتل
د افغانستان اسلامي امارت د عامې روغتیا وزیر ښاغلي، مولوي نورجلال جلالي په خپل کاري دفتر کې د اقتصاد وزیر ښاغلي قاري دین محمد حنیف سره د چارو د لا ښې همغږۍ اړوند مجلس تر سره کړ
په یاد مجلس کې چې د عامې روغتیا وزارت د مالي او اداري چارو مرستیال ښاغلي مولوي محمد اسحاق صاحبزاده هم شتون درلود ، د دواړو له لوري د روغتیا په برخه کې د تطبیق کوونکو مؤسساتو د چارو پر څرنګوالي ، مؤثریت ، د روغتیا په برخه کې د بهرنیو مرستو په مدیریت او د اداري مراحلو پر اسانتیا خبرې تر سره کړې.
