د غمرازۍ پیغام

Panah_moph

په ډېر تاسف او خواشینۍ سره مو خبر تر لاسه کړ چې ډاکتر خلیل نرمګو، د مرکزي بغلان ولسوالۍ روغتون د جراحۍ څانګې مسؤل او د بغلان د خبریالانو د اتحادیې پخوانی رییس نن ماښام د پلخمري- مرکزي بغلان پر لویه لاره د مسلح کسانو لخوا په مظلومانه ډول په شهادت رسېدلی.

د عامې روغتیا وزارت رهبري، د ډاکتر نرمګو شهادت د افغانستان د روغتیا سکتور لپاره لویه ضایعه وبلله، د روغتیا سکتور د طبیبانو او هڅاندو کار کونکو وژل په کلکه غندي او د روغتیایي ټولنې له فرد فرد څخه ملاتړ خپل مسؤلیت ګڼي.

د عامې روغتیا وزارت رهبري، د روغتیایي کار کونکو د امنیت خوندیتوب د نشتون له امله اندېښنه څرګندوي او له امنیتي مسؤلینو څخه غواړي چې د روغتیایي کار کونکو د امنیت د خوندیتوب په برخه کې لا هڅې وکړي.

د عامې روغتیا وزارت رهبري او کار کونکي د ډاکتر نرمګو د شهادت په پار د مرحوم کورنۍ، دوستان او همکارانو ته د ډاډګیرنې مراتب وړاندې کوي، له لوی څښتن تعالی څخه مرحوم ته جنت الفردوس او کورنۍ ته د جمیل صبر غوښتنه کوي.

Latest announcements

جمعه ۱۴۰۰/۳/۲۱ - ۱۸:۲۲
Background image

د عامې روغتیا وزارت اعلامیه

ګرانو هېواد والو!

زموږ په هېواد کې د کورونا ویروس درېیمې څپې خپرېدل د اوج خواته د نږدې کېدو په حال کې ده او د پېښو شمېر ورځ په ورځ زیاتېږي.

د عامې روغتیا وزارت او د هېواد روغتیايي . . .

یکشنبه ۱۳۹۹/۱۲/۱۷ - ۱۶:۲۰
Background image

خبرتیا!

ټول روغتیايي او د رسنیو درانه همکاران کولاﺉ شي دغه روغتیایي مرکزونو ته، چې نوم او پته یې په مرکز او ولایتونو کې په لاندې لېست کې ذکر شوې ده مراجعه  وکړي او خپل ځانونه دې واکسین کړي.

پنجشنبه ۱۳۹۹/۱۲/۱۴ - ۱۸:۴۸
Background image

د غمرازۍ پیغام

په ډېره خواشینۍ سره مو خبر ترلاسه کړ، چې د افغانستان د طبي ټولنې یو بل متخصص او کادر نن سهار په ننګرهار ولایت کې د ماین په چادونه کې په مظلومانه ډول خپل ژوند له لاسه ورکړ.

ډاکتر صدف چې . . .

Back to announcements