د فراه ولایتي روغتون کې د ډیجیټل ایکسری ماشین او د غونډو د تالار پرانیسته وشوه
په همدې موخه جوړه شوې غونډه کې د فراه والي، الحاج مولوي غوث الدین "رهبر"، د عامې روغتیا رئیس الحاج مولوي شیخ میر "صدام"، روغتیايي کارکوونکو او ځایي اوسېدونکو ګډون کړی و.
د فراه د عامې روغتیا رئیس، الحاج مولوي شیخ میر "صدام" وویل: (دا ډیجیټل ایکسری ماشین به د تشخیص په برخه کې شته نیمګړتیاوې حل او ناروغان به له دې وروسته د ځینو ناروغیو تشخیص لپاره نورو ولایتونو ته د سفر کولو اړتیا ونه لري).
نوموړي همداراز زیاته کړه، د غونډو نوی تالار چې د ۱۰۰ کسانو ظرفیت لري، له دې وروسته به د یاد روغتون روغتیايي کارکوونکو لپاره د ټولو ورکشاپونو او سیمنارونو کوربه وي او د خصوصي تالارونو کارولو اړتیا به نه پېښیږي.
