د فراه ولایت د عامې روغتیا ریاست د امبولانس امریت ودانۍ د بیارغونې چارې بشپړې او ګټې اخیستنې ته وسپارل شوه
یاده پروژه د فراه ولایت د عامې روغتیا رئیس، مولوي شیخ میر صدام د پرله پسې هڅو په پایله کې بشپړه شوه، چې موخه یې د امبولانس امریت د کاري چاپېریال ښه کول، د ودانۍ ساتنه او د خدمتونو کیفیت لوړول دي.
د فراه ولایت د عامې روغتیا ریاست ژمن دی، چې له شته امکاناتو څخه په اغېزمنه استفاده، د شفافیت او حساب ورکولو اصلو په مراعتولو سره د روغتیايي خدمتونو ښه والي او پراختیا لپاره خپلو هڅو ته دوام ورکړي او خلکو ته پر وخت معیاري روغتیايي خدمتونه وړاندې کړي.
د یادونې وړ ده، چې د دې ډول ودانیو بیارغونه خلکو ته د بېړنیو روغتیايي اړتیاوو د پوره کولو لپاره په یو ارام، خوندي او مناسب چاپېریال کې د لا اغېزمنو خدمتونو وړاندې کولو زمینه برابروي.
