د ټولنې روغتیايي رضاکارانو ملي ورځ د یوې غونډې په ترڅ کې ونمانځل شوه

akbari_admin
شنبه ۱۴۰۲/۹/۱۸ - ۹:۲۷
از روز ملی کارکنان صحی جامعه گرامی داشت به عمل آمد

د عامې روغتیا وزارت له لوري د روغتیايي رضاکارانو ملي ورځ '' د ټولنې روغتیايي رضاکاران د روغتیايي خدمتونو د وړاندې کولو د لومړۍ کرښې کارکوونکي دي'' تر شعار لاندې د یوې غونډې په ترڅ کې ونمانځل شوه.

د عامې روغتیا وزارت د روغتیايي خدمتونو وړاندې کولو مرستیال الحاج حبیب الله اخندزاده حامد د ټولنې روغتیايي رضاکارانو فعالیتونه وستایل او روغتیايي رضا کاران یې هغه اتلان وبلل، چې د هېواد په لرې پرتو سیمو او کلیو کې د روغتیا په برخه کې کار کوي.

همداراز د روغتیايي خدمتونو د وړاندې کولو مرستیال زیاته کړه، د عامې روغتیا وزارت توانیدلی دی، چې د هېواد په 34 ولایتونو کې 30 زره روغتیايي رضاکاران و روزي؛ تر څو د مېندو او ماشومانو لپاره لومړني روغتیايي خدمتونه وړاندې کړي.

د روغتیايي خدمتونو د وړاندې کولو مرستیال، په هېواد کې د ۵۴۹ روغتیايي ځالو، چې ۱۰۵ یې دا مهال فعالیت تر سره کوي او پاتې روغتیايي ځالې به په راتلونکې کال کې په فعالیت پیل وکړي.

د یادونې وړ ده، چې روغتیايي زده کړې، لومړنۍ روغتیايي مرستې، د نري رنځ د درملنې سیستم څارل، په ټولنه کې د کورني روغتیايي خدمتونو چمتو کول او د واکسینونو په ملي کمپاین کې ګډون د روغتیايي رضاکارانو ځانګړې دندې دي، چې د روغتيايي خدمتونو د کيفيت په لوړولو او د هېواد د روغتيايي سيستم په پياوړتيا کې يې ستر رول لوبولى دى

از روز ملی کارکنان صحی جامعه گرامی داشت به عمل آمد

از روز ملی کارکنان صحی جامعه گرامی داشت به عمل آمد

 

 

 

 

تازه خبرونه

یکشنبه ۱۴۰۲/۱۲/۱۳ - ۱۴:۵۶
Background image

په ننګرهار ولایت کې د شفري نسخو د مخنیوي په موخه نظارت تر سره شو

د ننګرهار د عامې روغتیا ریاست د روغتیايي قوانینو څخه د څارنې ټیم له لوري په مرکز جلال اباد ښار کې د یو شمېر خصوصي کتنځایونو څخه د شفري نسخو لیکلو د مخنیوي په موخه نظارت ترسره شو.

 

د. . .

یکشنبه ۱۴۰۲/۱۲/۱۳ - ۱۴:۴۷
Background image

په ټول هیواد کې د روغتونونو څیړل او د درجه بندۍ لړۍ پیل شوه

د افغانستان اسلامي امارت د عامې روغتیا وزارت له لوري په هېواد کې د روغتیايي مرکزونو د درجه بندۍ پروسه له مرکز کابل څخه ولایتونو ته وغزېده

د دې پروسې موخه د یو معیاري چکلېست له مخې د. . .

یکشنبه ۱۴۰۲/۱۲/۱۳ - ۱۴:۴۱
Background image

په نورستان ولایت کې یو فرعي روغتیايي مرکز پرانیستل شو

د نورستان ولایت د وایګل ولسوالۍ اړوند، په ینشا سیمه کې د دې سیمې  اوسېدونکو ته د لومړنيو روغتیايي خدماتو د وړاندې کولو په موخه یو فرعي روغتیايي مرکز پرانیستل شو

 

یاد روغتیايي مرکز کې. . .

BACK TO NEWS