د کابل ښار پل خشتي سیمه کې د رضاکارانه وینې راټولولو کمپاین ترسره شو
د عامې روغتیا وزارت د وینې ملي بانک له لوري د کابل ښار پل خشتي سیمه کې د عامه پوهاوي او رضاکارانه وینې راټولولو کمپاین ترسره شو.
په دغه کمپاین کې له ۲۸ تنو هېوادوالو څخه ۱۴ زره سي سي وینه راټوله او د وینې مرکزي بانک ته ولېږدول شوه، چې له اړینو معایناتو وروسته به مستحقو او اړمنو ناروغانو ته ورکړل شي.
د وینې مرکزي بانک هڅه کوي، چې د وینې راټولولو کمپاینونو او عامه پوهاوي پروګرامونو له لارې هېوادوال د وینې ورکولو ته وهڅوي؛ تر څو د اړمنو ناروغانو ستونزې راکمې او د هغوی غوره درملنه وشي.
