په ننګرهار کې د عامې روغتیا وزارت او هندي کپ انټرنیشنل مؤسسې ګډه ناسته د زلزله ځپلو د ملاتړ په موخه
د ا.ا.ا د عامې روغتیا وزارت د روغتيايي خدمتونو وړاندې کولو مرستیال، ښاغلي مولوي عبدالولي حقاني ننګرهار ته د سفر په ترڅ کې د زلزله ځپلو هېوادوالو روغتیايي ستونزو ته د رسېدنې په موخه د یاد ولایت عامې روغتیا ریاست کې د هندي کپ انټرنیشنل مؤسسې له مسؤلینو سره ناسته ترسره کړه
دغه ناسته کې چې مل پلاوي او د ننګرهار د عامې روغتیا رئیس مولوي امین الله شریف هم شتون درلود، د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني د یادې مؤسسې له مسؤلینو وغوښتل، چې په غوره توګه د زلزله ځپلو هېوادوالو روغتیايي ستونزو د رسېدنې په موخه خپل روغتیایي ټیمونه د ننګرهار سیمه ییز روغتون ته واستوي او خپلې روغتیايي مرستې او خوراکي مواد د ټاکلې شوې کمېټې په همکارۍ په شفاف ډول د زلزلې قربانیانو ته ورسوي.
بل لور د یادې مؤسسې مسؤلینو په دې برخه کې د بشپړې همکارۍ او ژمنتیا ډاډ ورکړ.
