په وزیر محمد اکبر خان روغتون کې د لومړي ځل لپاره لاپراسکوپيک جراحي خدمات پیل شول

rasooli_admin
دوشنبه ۱۴۰۵/۷/۶ - ۱۶:۱۵
moph

د عامې روغتیا وزارت له لوري د کابل په وزیر محمد اکبر خان تخصصي روغتون کې د لومړي ځل لپاره لاپراسکوپيک جراحي خدمات پیل شول، چې له دې سره به ناروغانو ته د عصري جراحي خدمتونو وړاندې کولو زمینه برابره شي.

لاپراسکوپيک جراحي د اوسني عصر مطابق عصري جراحي کړنلاره ده، چې د بدن د لوی عملیات پر ځای د بدن په څو کوچنیو برخو کې د کمرې او ځانګړو جراحي وسایلو په مرسته ترسره کېږي، چې له عمليات وروسته د ناروغ د درملنې بهیر لنډېدای شي او په روغتون کې د بستر اړتیا هم راکمېدای شي.

عامې روغتیا وزارت د تخصصي روغتیايي خدمتونو د پراختیا په برخه کې هڅه کوي، چې په مرکزي او تخصصي روغتونونو کې د معیاري او عصري طبي خدمتونو زمینه برابره او د هېوادوالو لپاره د پرمختللو جراحي خدمتونو لاسرسی پراخ کړي.

د یادونې وړ ده، چې له دې وړاندې هم په عاجل ابن سینا، رابعه بلخي او استقلال روغتونونو کې لاپراسکوپيک جراحي خدمات پیل شوي دي، چې د دغو خدمتونو پراختیا د هېواد په روغتیايي مرکزونو کې د عصري جراحي خدمتونو د پیاوړتیا په برخه کې مهم ګام بلل کېږي.

تازه خبرونه

چهارشنبه ۱۴۰۵/۸/۲۷ - ۹:۷
Background image

د عامې روغتيا وزارت د بېلابېلو مرکزي رياستونو کارکوونکو ته د ظرفيت لوړونې په موخه د اړتياوو ارزونې غونډه ترسره شوه

دا غونډه د عامې روغتيا وزارت په لوی تالار کې د دغه وزارت د کارکوونکو چارو لوی ریاست په همکارۍ د چارو ادارې لوی ریاست اړوند د افغانستان د ملکي خدمتونو انسټیټیوټ له لوري ترسره شوه، چې د. . .

چهارشنبه ۱۴۰۵/۸/۲۷ - ۹:۱
Background image

د ننګرهار عامې روغتیا رئیس له ازبکستاني پلاوي سره لیدنه وکړه

د ننګرهار عامې روغتیا رئیس، مولوي امین‌الله شریف، د ازبکستان د عامې روغتیا وزارت د درمل جوړونې صنعت د پراختیا ادارې له مرستیال ظفربیک قاسموف، په کابل کې د دغه هېواد له اقتصادي اتشې. . .

BACK TO NEWS