په کابل کې د غیر ساري ناروغیو په اړه د عامه پوهاوي پروګرام ترسره شو

rasooli_admin
پنجشنبه ۱۴۰۵/۴/۴ - ۸:۵۴
moph

د عامې روغتيا وزارت د غير ساري ناروغيو د کنټرول او مخنيوي ډيپارټمنت مسؤلینو له لوري د کابل ښار په نهمه او لسمه ناحیه کې د غير ساري ناروغيو په اړه د عامه پوهاوي پروګرام تر سره شو

په دې پروګرام کې د غير ساري ناروغيو د کنټرول او مخنيوي په موخه د يادو ناحيو اوسېدونکو ته بېلابېل اړين معلومات ورکړل شول، چې په کې د نشه يي توکو د زيانونو، د مالګې زیاتې کارونې خطر، د وينې لوړ فشار، سرطان، زړه او شکرې ناروغيو په اړه معلومات شامل و. دغه راز، د ياد پروګرام په ترڅ کې ګن شمېر معلوماتي پوسټرونه په مناسبو ځايونو کې نصب شول؛ څو د خلکو پوهاوی زيات او د سالم ژوند دودولو لپاره اغېزمن رول ادا کړي.

د غير ساري ناروغيو د کنټرول او مخنيوي ډيپارټمنټ مسؤلينو وويل: د ورته پروګرامونو موخه د غير ساري ناروغيو د پېښو کمول، د خطر عواملو په اړه د خلکو خبرول او د وقايوي تدابيرو پياوړتيا ده او له هېوادوالو يې وغوښتل، چې د سالمو خوړو کارولو، منظم فزيکي فعاليت، د تنباکو او نشه يي توکو له کارونې څخه د ډډې کولو او روغتيايي سپارښتنو په مراعتولو سره د غير ساري ناروغيو د مخنيوي او کنټرول برخه کې همکاري وکړي.

د يادونې وړ ده، چې د شکرې ناروغي، د وينې لوړ فشار، د زړه او رګونو ناروغۍ او ځينې سرطانونه د نړۍ په کچه د مړينې او ناروغتيا له مهمو لاملونو څخه شمېرل کېږي، چې د عامه پوهاوي له لارې يې د مخنيوي او کنټرول لپاره اغېزمن ګامونه اخېستل کېدای شي.

تازه خبرونه

پنجشنبه ۱۴۰۵/۸/۲۸ - ۹:۸
Background image

په ننګرهار کې د ډینګي ناروغۍ د کنټرول او مخنیوي فعالیتونه وارزول شول

د عامې روغتیا وزارت رهبرۍ د لارښوونې پر اساس د ملاریا او نورو ناقله ناروغیو آمر، ډاکټر حزب‌الله فطرت په مشرۍ ټاکل شوې کمېټې د ننګرهار عامې روغتیا رئیس، مولوي امین‌ الله شریف او د تطبیق. . .

پنجشنبه ۱۴۰۵/۸/۲۸ - ۹:۳
Background image

د عامې روغتیا وزارت د مالي او اداري چارو مرستیال د دغه وزارت د تدارکاتو ریاست له کارکوونکو سره ناسته وکړه

د عامې روغتیا وزارت د مالي او اداري چارو مرستیال ښاغلي قاري عبدالولي صدیقي د دغه وزارت د تدارکاتو رئیس مولوي عبدالقدیر نذیر او د ياد ریاست له کارکوونکو سره په ناسته کې د کاري چارو ښه. . .

پنجشنبه ۱۴۰۵/۸/۲۸ - ۹:۰
Background image

د عامې روغتیا وزارت د خوړو او درملو معینیت د دویمې ربعې د فعالیتونو او کړنو د ارزونې غونډه ترسره شوه

د عامې روغتیا وزارت د خوړو او درملو معینیت د روان کال د دویمې ربعې د فعالیتونو او کړنو د ارزونې غونډه، د خوړو او درملو مرستیال ښاغلي مولوي حمدالله زاهد، د یاد معینیت د رئیسانو، مشاورينو. . .

BACK TO NEWS