د "خوراکي توکو په تأمين کې د خطر او بحران مدیریت" درې ورځنی روزنیز پروګرام پیل شو

rasooli_admin
دوشنبه ۱۴۰۵/۵/۱۲ - ۱۴:۱۷
MOPH

دا پروګرام د عامې روغتیا وزارت د خوړو او درملو معینیت د خوراکي توکو د خطر تحلیل او سرويلانس ریاست له لوري د روغتیا نړیوال سازمان په همکارۍ، د ياد معينيت د خوراکي توکو د خطر تحلیل او سرويلانس او د څارنې او پلټنې ریاستونو ۴۰ تنو کارکوونکو ته د خوړو او درملو معینیت په عمومي تالار کې پیل شو.

د دغه پروګرام د پرانیستې په مراسمو کې د خوړو د خوندیتوب لوی رئیس، الحافظ ډاکټر نعیم‌الله ایوبي د خطر مدیریت او د خوراکي بحرانونو پر وړاندې د چمتووالي پر اهمیت ټینګار وکړ او ویې ویل: د خوراکي توکو د خوندیتوب تأمین د تخنیکي وړتیاوو لوړولو، نړیوالو معیارونو پلي کولو او د مسؤلو ادارو ترمنځ د همغږۍ پیاوړتیا ته اړتیا لري.

نوموړي د دغه روزنیز پروګرام له زده‌کړو څخه پر اغېزمنې ګټې اخیستنې او په کاري چاپېریال کې یې په پلي کولو ټینګار وکړ.

په دغه درې ورځني روزنیز پروګرام کې به د خوراکي توکو د تولیدي فابریکو د څارنې او پلټنې پر بنسټ د خطر مدیریت، د خطرونو په کمولو کې د څارنې رول، د خطر او بحران مدیریت نړیوال معیارونه، په نړيواله کچه د خوراکي بحرانونو د واقعي بېلګو ارزونه، د خطر پر بنسټ د خوراکي توکو د تولیدي فابریکو طبقه‌بندي، په بحراني شرایطو کې د خوراکي توکو د تأمین مدیریت، په افغانستان کې د خوراکي توکو د څار سیسټم او یو شمېر نور مهم موضوعات تر بحث لاندې ونيول شي.

تازه خبرونه

سه‌شنبه ۱۴۰۵/۸/۲۶ - ۱۴:۴
Background image

په لښکرګاه ښار کې د مالګې د پروسس او بسته‌ بندۍ درې تولیدي شرکتونه وتړل شول

د هلمند ولایت د عامې روغتیا ریاست د غذایي چارو مدیریت د څارنې ټیم له لوري د لښکرګاه ښار په بېلا بېلو سیمو کې د مالګې د پروسس او بسته‌ بندۍ درې تولیدي شرکتونه د روغتیايي او حفظ‌الصحې. . .

دوشنبه ۱۴۰۵/۸/۲۵ - ۱۵:۳۲
Background image

د افغانستان ا.ا. د عامې روغتیا وزارت له لوري د شکرې ناروغۍ په اړه د عامه پوهاوي غونډه تر سره شوه

په دې غونډه کې د عامې روغتیا وزارت د روغتیايي خدمتونو وړاندې کولو مرستیال ښاغلي مولوي عبدالولي حقاني، د مالي او اداري چارو مرستیال ښاغلي قاري عبدالولي صدیقي، د مقام د دفتر لوی رئیس،. . .

دوشنبه ۱۴۰۵/۸/۲۵ - ۱۴:۴۶
Background image

د عامې روغتیا وزیر د ازبکستان د روغتیا وزارت د درمل جوړونې صنعت د پراختیا ادارې له مرستیال رئیس سره لیدنه وکړه

د افغانستان ا.ا. د عامې روغتیا وزیر، ښاغلي مولوي نور جلال جلالي د ازبکستان هېواد د روغتیا وزارت د درمل جوړونې صنعت د پراختیا ادارې له مرستیال رئیس، ښاغلي ظفربېک قاسموف او مل پلاوي سره. . .

BACK TO NEWS