د افغانستان ا.ا. د عامې روغتیا وزیر، ښاغلي مولوي نور جلال جلالي او مل پلاوي له لوري په رابعه بلخي تخصصي روغتون کې د هیموډیالیز او فیسټولا مجهزې څانګې پرانیستل شوې

rasooli_admin
پنجشنبه ۱۴۰۵/۷/۱۶ - ۱۵:۸
MOPH

په همدې موخه جوړو شويو مراسمو کې د عامې روغتیا وزیر د دغو څانګو پرانیسته د هېوادوالو لپاره د روغتیايي خدمتونو لا پراختیا په برخه کې مهم ګام وباله او خوښي یې څرګنده کړه، چې په یاد روغتون کې د هیموډیالیز او فیسټولا خدمتونو وړاندې کولو زمینه برابره شوه.

ښاغلي وزير، روغتیايي کارکوونکي د ناروغانو د درملنې او خدمت په برخه کې لا وهڅول او له هغوی یې مننه وکړه، چې په محدودو امکاناتو سره هېوادوالو ته روغتیايي خدمتونه وړاندې کوي.

هغه همداراز وویل: د روغتیايي خدمتونو د کیفیت او لاسرسي ښه والي په برخه کې هر ګام د هېواد د پرمختګ او د خلکو د هوساینې لپاره د ارزښت وړ دی.

په دغو نويو فعالو شويو څانګو کې به اړمنو ناروغانو ته د هیموډیالیز او فیسټولا اړوند روغتیايي خدمتونه وړاندې کېږي، چې ورسره به د یادو خدمتونو د لاسرسي کچه لوړه او ناروغانو ته به د درملنې زمینه لا اسانه شي.

د یادونې وړ ده، چې د هیموډیالیز څانګه د عامې روغتیا وزارت له داخلي بودجې او د فیسټولا څانګه د نړيوال اسلامي پراختیايي بانک او د روغتیا نړیوال سازمان په مالي ملاتړ فعالې شوې دي.

تازه خبرونه

سه‌شنبه ۱۴۰۵/۸/۲۶ - ۱۴:۴
Background image

په لښکرګاه ښار کې د مالګې د پروسس او بسته‌ بندۍ درې تولیدي شرکتونه وتړل شول

د هلمند ولایت د عامې روغتیا ریاست د غذایي چارو مدیریت د څارنې ټیم له لوري د لښکرګاه ښار په بېلا بېلو سیمو کې د مالګې د پروسس او بسته‌ بندۍ درې تولیدي شرکتونه د روغتیايي او حفظ‌الصحې. . .

دوشنبه ۱۴۰۵/۸/۲۵ - ۱۵:۳۲
Background image

د افغانستان ا.ا. د عامې روغتیا وزارت له لوري د شکرې ناروغۍ په اړه د عامه پوهاوي غونډه تر سره شوه

په دې غونډه کې د عامې روغتیا وزارت د روغتیايي خدمتونو وړاندې کولو مرستیال ښاغلي مولوي عبدالولي حقاني، د مالي او اداري چارو مرستیال ښاغلي قاري عبدالولي صدیقي، د مقام د دفتر لوی رئیس،. . .

دوشنبه ۱۴۰۵/۸/۲۵ - ۱۴:۴۶
Background image

د عامې روغتیا وزیر د ازبکستان د روغتیا وزارت د درمل جوړونې صنعت د پراختیا ادارې له مرستیال رئیس سره لیدنه وکړه

د افغانستان ا.ا. د عامې روغتیا وزیر، ښاغلي مولوي نور جلال جلالي د ازبکستان هېواد د روغتیا وزارت د درمل جوړونې صنعت د پراختیا ادارې له مرستیال رئیس، ښاغلي ظفربېک قاسموف او مل پلاوي سره. . .

BACK TO NEWS