د عامې روغتيا وزارت د مالي او اداري چارو مرستیال، ښاغلي قاري عبدالولي صديقي په مشرۍ د شفانو شورا غونډه ترسره شوه

rasooli_admin
سه‌شنبه ۱۴۰۵/۷/۲۱ - ۱۰:۴۹
MOPH

په دې غونډه کې چې د عامې روغتيا وزارت د اکمال تخصص لوی رئیس‌ ډاکټر نثار احمد نيازي، اړوندو مسؤلینو او د مرکزي روغتونونو د شفانو شورا غړو ګډون کړی و، د يو شمېر متخصصینو د ترفيع، د شفانو په توګه د ځينو ټرينر متخصصینو ټاکلو، له پاکستان څخه د اجباري رايستلو له امله، د هغو ۲۴ تنو ډاکټرانو د پاتې زده کړو د بشپړولو لپاره په تخصص پروګرام کې د شاملېدو او د ټریننګ له اصولو څخه د سرغړونې او خپلې دندې د ناسمې کارونې له امله په تخصص پروګرام کې د دوو تنو ټريني ډاکټرانو د راتلونکي په اړه بحث او خبرې ترسره شوې.

د عامې روغتيا وزارت د مالي او اداري چارو مرستیال، اړوندو مسؤلینو ته د لازمو اجرااتو ترسره کولو سپارښتنه وکړه او ويې ويل، کوښښ وکړئ چې خپل مسؤلیتونه په سمه توګه ترسره کړئ، ځکه ستاسې مسؤلیتونه د ملت ستر امانت دی.

دغه راز، ښاغلي مرستیال د شورا غړو ته وويل، که تاسې په خپلو اړوندو مسؤلیتونو له کومو ستونزو سره مخ کېږي، کولای شئ له موږ سره يې په اسانۍ شريکې کړئ او موږ به ورته پوره پاملرنه او رسېدنه کوو.

تازه خبرونه

سه‌شنبه ۱۴۰۵/۸/۲۶ - ۱۴:۴
Background image

په لښکرګاه ښار کې د مالګې د پروسس او بسته‌ بندۍ درې تولیدي شرکتونه وتړل شول

د هلمند ولایت د عامې روغتیا ریاست د غذایي چارو مدیریت د څارنې ټیم له لوري د لښکرګاه ښار په بېلا بېلو سیمو کې د مالګې د پروسس او بسته‌ بندۍ درې تولیدي شرکتونه د روغتیايي او حفظ‌الصحې. . .

دوشنبه ۱۴۰۵/۸/۲۵ - ۱۵:۳۲
Background image

د افغانستان ا.ا. د عامې روغتیا وزارت له لوري د شکرې ناروغۍ په اړه د عامه پوهاوي غونډه تر سره شوه

په دې غونډه کې د عامې روغتیا وزارت د روغتیايي خدمتونو وړاندې کولو مرستیال ښاغلي مولوي عبدالولي حقاني، د مالي او اداري چارو مرستیال ښاغلي قاري عبدالولي صدیقي، د مقام د دفتر لوی رئیس،. . .

دوشنبه ۱۴۰۵/۸/۲۵ - ۱۴:۴۶
Background image

د عامې روغتیا وزیر د ازبکستان د روغتیا وزارت د درمل جوړونې صنعت د پراختیا ادارې له مرستیال رئیس سره لیدنه وکړه

د افغانستان ا.ا. د عامې روغتیا وزیر، ښاغلي مولوي نور جلال جلالي د ازبکستان هېواد د روغتیا وزارت د درمل جوړونې صنعت د پراختیا ادارې له مرستیال رئیس، ښاغلي ظفربېک قاسموف او مل پلاوي سره. . .

BACK TO NEWS