د عامې روغتيا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني په خپل کاري دفتر کې د سره صلیب نړیوالې کمېټې له استازو سره ناسته ترسره کړه
په دې ناسته کې چې د عامې روغتيا وزارت يو شمېر مرکزي رئیسانو د ICRC له مرکزي دفتر څخه ښاغلي ګېرارډ شمېټ او د افغانستان لپاره د دې کمېټې مشر ښاغلي پاټریک مویهو شتون درلود، د سره صلیب نړیوالې کمېټې له لوري د معلولينو د فزيکي بيارغونې پروژې پنځه کلنه ستراتیژي د عامې روغتیا وزارت مقام ته وړاندې شوه.
د روغتيايي خدمتونو وړاندې کولو مرستیال په ياده برخه کې د سره صليب نړيوالې کمېټې له همکارۍ مننه وکړه او ويې ويل: روغتيا برخه کې ټول فعاليتونه بايد د روغتيا وزارت سره په همغږۍ ترسره او د روغتيا له عمومي پاليسۍ سره سمون ولري.
ښاغلي مرستیال همداراز، د مرکزي روغتونونو د بېړنیو څانګو او د معلولينو د فزيکي بيارغونې روغتون د تجهيز او ملاتړ په يادونې سره ټينګار وکړ، چې روغتيا برخه کې بايد ټول فعاليتونه د وزارت له اړوندو تخنيکي څانګو سره په همغږۍ او د وزارت په رهبرۍ ترسره شي.
