عامې روغتیا وزارت له لوري د جوزجان ولايت په دوه سوه بستریز صدري روغتون کې د ښځینه عمومي داخله څانګې ۳۰ بسترونو پرانیسته تر سره شوه
په همدې موخه جوړو شویو مراسمو کې د عامې روغتيا وزارت د مالي او اداري چارو مرستيال مولوي محمد اسحق صاحبزاده، د جوزجان د عامې روغتیا رئيس قاري ذبيح الله حسيني، قومي مشرانو، علماوو کرامو او یو شمېر نورو مسؤلینو شتون درلود.
د عامې روغتيا وزارت د مالي او اداري چارو مرستيال مولوي محمد اسحق صاحبزاده وویل: (د عامې روغتیا وزارت په ټول توان هڅه پیل کړې چې خپلو هغه هېوادوالو ته چې پخوا یې روغتیايي خدماتو ته لاس رسی نه لره روغتیايي خدمات ورته ورسوي.)
نوموړي همداراز زیاته کړه، د دغه هڅو په لړ کې نن د عامې روغتیا وزارت په مالي ملاتړ د شپېته میليونه افغانیو په لګښت د جوزجان ولايت په دوه سوه بستریز صدري روغتون کې د ښځینه عمومي داخلې څانګې ۳۰ بسترونو پرانیسته ترسره شوه، چې ورسره به د یاد ولایت د اوسېدونکو روغتیايي ستونزې حل شي.
