دایکندي ولایت کې د یو شمیر خصوصي روغتیایي سکتور څخه نظارت تر سره شو
د دایکندي عامې روغتیا ریاست د روغتیايي قوانینو د تطبیق او څارنې ټیم له لوري د دغه ولایت په شهرستان ولسوالۍ کې د یو شمېر خصوصي روغتیايي سکتورڅخه څارنه ترسره شوې، چې پرمهال یې د دوه بابه سراپا روغتیایي مرکزونو په شمول ۸ بابه بېلابېل درملتونونه او د غاښونو کتنځایونه د غیر قانوني فعالیتونو او اسنادو نه درلودو له امله تړل شوي.
ورته مهال د لغمان ولایتي روغتون په داخل کې د درملو تصدي چې درمل یې په لوړه بیه پلورل د لغمان عامې روغتیا ریاست اړوند د خوړو او درملو امریت مسئولينو له لوري وتړل شوه.
