د ا.ا.ا د عامې روغتيا وزير، ښاغلي مولوي نور جلال جلالي په خپل کاري دفتر کې د درملو عمده پلورونکو د اتحادیې له مسؤولینو سره د دوۍ د غوښتنو او ستونزو د حل په موخه لیدنه تر سره کړه
په دې لیدنه کې چې د عامې روغتیا وزارت د خوړو او درملو مرستیال ښاغلي مولوي حمدالله زاهد او یو شمیر نورو مسؤولینو شتون درلود، د درملو د نرخونو پر کنټرول، د خوړو او درملو د قاچاق د مخنیوي قانون د غوره تطبیق، د احتکار څخه د مخنیوي او په بازار کې د باکیفیته او په مناسب قیمت د درملو په شتون او مدیریت خبرې تر سره شوې.
ښاغلي وزیر ولسونو ته د باکیفیته او په مناسب قیمت د درملو عرضه کول د ټولو ګډ مسؤولیت وباله او په وینا یې په دې برخه کې باید ټول ګډ مسؤولیت اداء کړي.
ښاغلي مرستیال مولوي حمدالله زاهد، د درملو عمده پلورونکو د اتحادیې د غوښتنو اړوند وویل: هڅه مو دا ده چې ستاسې او ولس اړتیاوو ته رسیدنه وکړو او په وینا یې په دې برخه کې به خپلې هڅې جاري وساتي.
