د عامې روغتیا وزارت او کار او ټولنیزو چارو وزارت د استازو تر منځ ګډه ناسته ترسره شو
دغه ناسته د عامې روغتیا وزارت د پلان او پالیسۍ لوی ریاست له لوري د دې وزارت د وقایوي طب، معالجوي طب، اقتصاد او د روغتیا تمویل ریاستونو او کار او ټولنیزو چارو وزارت د ماشومانو ساتنې ریاست د استازو په شتون کې په روزنتونونو او ملاتړ مرکزونو کې د ماشومانو او زیانمنو کسانو د درملنې هوکړه لیک مسودې نهايي کولو په موخه ترسره شوه.
د ماشومانو ساتنې ریاست رئیس، مولوي نجیب الله وقاد د هوکړه لیک مسوده په هر اړخیزه توګه وڅېړله او د ناستې غړو خپل تخنیکي نظرونه او وړاندېزونه وړاندې کړل او په پایله کې يې د اړینو اصلاحاتو له تطبیق وروسته د هوکړه لیک مسوده نهایي او د دواړو لورو له خوا تأیید شوه.
په دې ناسته کې ګډونوالو د ماشومانو او زیانمنو قشرونو لپاره د روغتیايي او ملاتړ خدمتونو وړاندې کولو برخه کې د دوه اړخیزو همکاریو پر پیاوړتیا، د هوکړه لیک د محتوا پر اغېزمن تطبیق او د لا زیاتو همغږیو پر دوام ټینګار وکړ؛ څو د ماشومانو او زیانمنو کسانو روغتیايي او ټولنیز وضعیت ښه شي.
