د ا.ا.ا. د عامې روغتیا وزیر، ښاغلي مولوي نورجلال جلالي او ورسره مل پلاوي بغلان ولایت ته د خپل سفر په ترڅ کې د دې ولایت د مرکزي بغلان ولسوالۍ سل بستریز روغتون څخه لیدنه ترسره کړه
ښاغلي وزیر په دې لیدنه کې چې د مقام د دفتر لوی رئیس شیخ محمد طاهر حلیم ،د بغلان د عامې روغتیا رئیس ډاکټر عبدالقهار احمدي او یو شمېر نورو مسئولینو یې ملتیا کوله، د مرکزي بغلان ولسوالۍ سل بستریز روغتون له بېلابېلو برخو د لیدنې پرمهال مسئولینو او روغتیایي کارکوونکو ته د روغتیایي خدمتونو ښه والي په موخه لازمې سپارښتنې ترسره کړې.
له بل لوري د یاد روغتون روغتیاپالو او مسئولینو د معیاري خدمتونو وړاندې کولو ډاډ څرګند کړ.
د یادونې وړ ده د عامې روغتیا وزارت هڅه کوي چې د مرکز او ولایاتو ټولو اوسیدونکو ته یو ډول او عادلانه خدمات وړاندې شي چې په همدې موخه د هیواد په نږدې ۳۱۸ ولسوالیو کې د ولسوالۍ د کچې عمومي روغتونو جوړولو چارې روانې دي.
