د ا.ا.ا د عامې روغتیا وزیر، ښاغلي مولوي نور جلال جلالي بادغیس ته د سفر په ترڅ کې د ولایتي روغتون د خدمتونو له بهیر څخه لیدنه ترسره کړه
په دې لیدنه کې د عامې روغتیا وزیر، د بادغيس والي حافظ محمد امین جان عمري، د ياد ولایت د عامې روغتیا رئيس مولوي خان محمد همت، د عامې روغتیا وزارت مرکزي رئيسانو او د ولایتي روغتون مسئولینو شتون درلود.
د عامې روغتیا وزیر، د روغتیايي کارکوونکو د ترسره کړو خدمتونو ستاینه وکړه، د مل تخنیکي ټیم له لوري په نښه شویو ستونزو اړوند یې ورته لازمې سپارښتنې وکړې؛ ترڅو هېوادوالو ته روغتیايي خدمتونه د خپل مسئولیت په اساس وړاندې کړي.
ښاغلي وزیر، دغه راز د یاد روغتون د مسؤلینو او روغتیايي کارکوونکو وړاندیزونه واورېدل او شته امکاناتو ته په کتو یې د رسېدنې ډاډ ورکړ، چې ورسره به د دغه روغتون خدمتونه لا معیاري او پراخ شي.
