د افغانستان اسلامي امارت د عامې روغتيا وزير، ښاغلي ډاکټر قلندر عباد په خپل کاري دفتر کې د افغانستان لپاره د يونيسف ادارې له نوي استازي، ښاغلي تاج الدین اوېلا سره تعرفي لیدنه ترسره کړه
![MOPH](/sites/default/files/2024-03/whatsapp_image_2024-03-24_at_1.56.16_pm.jpeg)
په دې لیدنه کې د افغانستان لپاره د روغتیا په برخه کې د یادې ادارې پر دوامداره همکاریو، د روغتیايي برخو پر تخنیکي ملاتړ، د دواړو لورو تر منځ پر لا زیاتې همغږۍ او ګڼو نورو موضوعاتو بحث او خبرې ترسره شوې.
د عامې روغتیا وزیر، ښاغلي ډاکټر قلندر عباد د هېواد ټولو وګړو ته د معیاري روغتیايي خدمتونو وړاندې کول د خپلو لومړیتوبونو څخه وګاڼه او یې ویل، موږ هڅه کوو؛ تر څو د روغتیا په برخه کې د خپلو کاري شریکانو په همکارۍ د روغتیايي خدمتونو کیفیت ښه او هېوادوالو ته غوره روغتیايي خدمتونه وړاندې کړو.
له بل لوري د افغانستان لپاره د یونیسف ادارې استازي د روغتیا په برخه کې د دواړو لورو ترمنځ غوره همغږۍ ته په اشارې د خپلو همکاریو پر دوام ټینګار وکړ.