د افغانستان اسلامي امارت د عامې روغتیا وزیر، ښاغلي ډاکټر قلندر عباد د اتاترک روغتون له روغتیايي خدمتونه لیدنه ترسره کړه
د عامې روغتیا وزیر، ښاغلي ډاکټر قلندر عباد د اتاترک روغتون له ټولو برخو څخه د لیدنې ترڅنګ د یاد روغتون کارکوونکو ته د ولس د ښه خدمت په موخه لازمې سپارښتنې ترسره او و یې ویل، چې د ناروغانو د درملنې په برخه کې بشپړه پاملرنه وکړي.
د عامې روغتیا وزیر، ښاغلي ډاکټر قلندر عباد په هېواد کې د روغتیايي خدمتونو د کیفیت پر ښه والي د ټینګار ترڅنګ وویل، چې موږ په هڅه کې یو تر څو په ټول هېواد کې روغتیايي خدمتونه معیاري کړو.
ښاغلي وزیر همداراز د یاد روغتون له ډاکټرانو غوښتنه وکړه، چې د ناروغانو د تشخیص او درملنې په برخه کې جدي پاملرنه وکړي او د غیر ضروري نسخو او درملو له ورکړې ډډه وکړي.