د اکمال تخصص لوی ریاست د تخنیکي کمېټې غونډه تر سره شوه
دا تخنیکي کمېټه د عامې روغتیا وزارت د محترم مقام له حکم سره سم جوړه شوې ده، چې یاده غونډه یې د ټرینر او ټریني ډاکټرانو د چارو په برخه کې د اسانتیا او حل لارې موندلو لپاره ترسره کړه، کوم چې د اکمال تخصص لوی ریاست اړوند کېږي.
په دې ناسته کې د تخصصي روغتونونو استادانو، چې د اکمال تخصص لوی ریاست د اکاډمیکو چارو د انسجام ریاست د تخنیکي کمېټې غړیتوب لري، ګډون کړی و، چې په کې د عارض شویو ډاکټرانو اړوند په بېلا بېلو موضوعاتو بحث تر سره او د ننګونو د حل په برخه کې له قانون سره سم اړینې پریکړې وشوې، ترڅو په اړه یې د وزارت د محترم مقام له منظورۍ وروسته اړین اقدامات تر سره شي.
