د بدخشان او فراه ولایتونو د تخنیکي کمېټو او د عامې روغتیا مسؤلینو د کورونا ویروس پر وړاندې مبارزه کې خپل کاري راپورونه د عامې روغتیا وزارت رهبري ته وړاندې کړل
د عامې روغتیا وزارت د پالیسۍ او پلان جوړونې معین ډاکټر بشیر نورمل، د مالي او اداري معینیت سرپرست ډاکټر عبد القدیر قدیر، د ویډیو کنفرانس له لارې د یوې ناستې په ترڅ کې، د کورونا ویروس پروړاندې د مبارزې په برخه کې، د بدخشان او فراه ولایتونو تخنیکي کمېټو او د عامې روغتیا مسؤلینو کاري راپورونو ته کتنه وکړه.
په دې ناسته کې، د بدخشان او فراه ولایتونو د عامې روغتیا رئیسانو د روغتیایي خدمتونو وړاندې کولو د ښه کولو او د کورونا ویروس پر وړاندې مبارزه کې خپل کاري راپورونه د عامې روغتیا وزارت رهبري ته وړاندې کړل او د عامې روغتیا وزارت له رهبرۍ څخه د دوی ستونزو ته د حل او لاسرسي غوښتونکي شول.
سربېره پردې، د بدخشان او فراه ولایتونو روغتیایي مسؤلینو د هرات، بامیان، دایکندي، بغلان او کندز ولایتونو په استازیتوب خبرې وکړې او د یادو ولایتونو اړتیاوې یې د عامې روغتیا وزارت رهبري ته وړاندې کړې تر څو دې ته لاسرسی وشي.
د پالیسۍ او پلان جوړونې معین، د عامې روغتیا ولایتي رئیسانو کاري راپورونو د اورېدو پرمهال اړوندو مسؤلینو ته لارښوونه وکړه چې د دوی د ستونزو ته د حل لپاره دې لازم اقدامات وکړي.
له بلې خوا، د تخنیکي کمېټو مسؤلینو، د روغتوني خدمتونو، سرویلانس، تشخیصیه خدمتونو، عامه پوهاوي او کورونا ویروس پروړاندې د کور پاملرنې کمېټې خپل کاري راپورونه د وزارت رهبري ته وړاندې کړل او د دې کمېټو د کاري چارو د ښه والي په موخه يې مسؤلینو ته لازمې لارښوونې وکړې.
