د رابعه بلخي روغتون څخه نظارت تر سره شو
د عامې روغتیا وزارت د څارنې او پلټنې لوی رئیس، ډاکټر عنایت الله عنایت او مل تخنیکي ټیم کابل کې له رابعه بلخي ملي او تخصصي روغتون څخه نظارت ترسره کړ
یاد نظارت چې موخه یې د هېواد دولتي او خصوصي روغتونونو بشپړه څارنه، د چارو شفافیت او په معیاري توګه هېوادوالو ته روغتیایي خدمات وړاندې کول دي، په ترڅ کې یې ډاکټر عنایت الله عنایت او مل تخنیکي ټیم د رابعه بلخي ملي او تخصصي روغتون له بېلا بېلو څانګو څخه لیدنه وکړه، د ناروغانو احوال یې واخیست او روغتیایي کارکوونکو ته یې د غوره روغتیایي خدمتونو وړاندې کولو په موخه لازمې سپارښتنې وکړې.
دغه راز، ډاکټر عنایت الله عنایت موجودې ستونزې د حل په موخه له اړوندو مسؤلینو سره شریکې کړې؛ څو د ناروغانو ستونزو ته پر وخت رسېدنه وشي.
