د روغتیايي خدمتونو مرستیال د خوست ولایتي روغتون له چارو نظارت وکړ

rasooli_admin
پنجشنبه ۱۴۰۴/۵/۹ - ۱۲:۴۷
MOPH

د ا.ا.ا. د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني او مل پلاوي خوست ولایت ته د سفر پرمهال له ولایتي روغتون څخه نظارت ترسره او هم یې د یاد روغتون له مسئولینو او روغتیايي کارکوونکو سره د ستونزو حل په موخه ناسته وکړه

د روغتیايي خدمتونو وړاندې کولو مرستیال په مشرۍ یاد پلاوي د خوست ولایتي روغتون له ټولو څانګو څخه لیدنه ترسره، ستونزې یې په نښه او د حل په موخه یې د یاد ولایت تطبیق کوونکې مؤسسې، روغتیايي مسئولینو او کارکوونکو سره شریکې کړې.

ښاغلي مرستیال، په یاده ناسته کې د روغتیايي کارکوونکو ترسره کړې هڅې وستایلې، په روغتون کې یې د شته ستونزو د له منځه وړلو په موخه روغتیايي کارکوونکو ته سپارښتنې وکړې او ویې وویل: (خوست ولایت ته مو په دې موخه سفر وکړ، تر څو په دې ولایت کې روغتیايي ستونزې له نږدې وګورو او ورته د حل په لارو چارو غور وکړو).

تازه خبرونه

پنجشنبه ۱۴۰۴/۵/۹ - ۱۲:۵۱
Background image

د خوست ولایت عامې روغتیا ریاست سره د ۷ میلیونه یورو مرسته وشوه

یاده مرسته چې د اروپایي ټولنې له لوري د خوست د عامې روغتیا ریاست د لابراتوار څانګې د پیاوړتیا او ساري ناروغیو د مخنیوي په موخه شوې، پر مهال یې د خوست والي، ښاغلي عبدالقیوم روحاني او په. . .

پنجشنبه ۱۴۰۴/۵/۹ - ۱۲:۴۷
Background image

د روغتیايي خدمتونو مرستیال د خوست ولایتي روغتون له چارو نظارت وکړ

د ا.ا.ا. د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني او مل پلاوي خوست ولایت ته د سفر پرمهال له ولایتي روغتون څخه نظارت ترسره او هم یې د یاد. . .

BACK TO NEWS