د روغتیايي خدمتونو وړاندې کولو مرستیال د پنجشیر ولایت د رُخه روغتون له خدمتونو لیدنه ترسره کړه
د افغانستان اسلامي امارت د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني او ورسره مل پلاوي پنجشیر ولایت ته د خپل سفر پر مهال د دغه ولایت د رُخه روغتون له خدمتونو لیدنه ترسره کړه
د روغتیايي چوپړتیاوو مرستیال د یاد روغتون د بېلابېلو روغتیايي څانګو له خدماتو څخه د لیدنې سربېره په دغه روغتون کې له نږدې د بستر ناروغانو احوال واخیست.
نوموړي دغه راز د یادې لیدنې پرمهال روغتیايي کارکوونکو ته سپارښتنه وکړه، چې د ناروغانو ستونزو ته د رسېدنې او درملنې برخه کې له هیڅ ډول هڅو درېغ ونه کړي.
