د سمنګان ولایت عامې روغتیا ریاست سره د ۱۱ قلمه روغتیايي کیټونه مرسته وشوه
دغه مرسته، چې ارزښت یې له ۸۰۰۰ امریکايي ډالرو څخه زیات دی، د روغتیا نړیوال سازمان له لوري د سمنګان ولایتي روغتون کې د روغتیايي خدمتونو پیاوړتیا په موخه د یاد ولایت عامې روغتیا ریاست سره وشوه؛ چې په کې بېړني کیټونه، ټراما کیټونه او د نومونیا کیټونه شامل دي.
د سمنګان عامې روغتیا ریاست مسؤلینو د روغتیا نړیوال سازمان له دوامداره همکاریو څخه مننه وکړه او ویې ویل، چې دا مرستې به د بېړنیو خدمتونو د کیفیت په ښه والي او د ناروغانو په درملنه کې مهم رول ولري او د دغو مرستو پر شفاف او اغېزمن استعمال یې ټینګار وکړ.
