د عامې روغتیا وزارت د تېر کال فعالیتونو، او لاسته راوړنو څخه د ګډ منظم راپور چمتو کولو په موخه د وزارت له مرکزي رئیسانو سره غونډه تر سره شوه
دا غونډه چې د عامې روغتیا وزارت د روغتیایي خدمتونو وړاندې کولو مرستیال، ښاغلي مولوي عبدالولي حقاني په مشرۍ، د مقام د دفتر لوی رئیس الحاج شیخ محمد طاهر حلیم او د وزارت د مرکزي رئیسانو په شتون کې ترسره شوه، د روغتیایي خدمتونو وړاندې کولو مرستیال، له هغو ریاستونو څخه مننه وکړه، چې د خپلو مسؤولیتونو په ساحه کې یې په اخلاص خپلو هیوادوالو ته خدمات تر سره کړي او خپل اړوند راپور یې ټاکل شوې کمېټې ته لېږلي دی، ښاغلي مرستیال همدارنګه له ټولو مسؤولینو په چارو کې د لا ډیر صداقت ، اخلاص او پاملرنې غوښتنه وکړه.
همداراز، د مقام د دفتر لوی رئیس، ښاغلي الحاج شیخ محمد طاهر حلیم ګډونوالو ته د چارو د لا ښه والي په موخه د ادارو د کاري راپورونو د جوړولو او لېږلو میتود اړوند معلومات ورکړل او له هغوی یې وغوښتل، چې خپل راپورونه د ټاکل شويو معیارونو سره سم اړوند کمېټې ته واستوي.
