د عامې روغتیا وزارت د خوړو او درملو مرستیال، ښاغلي مولوي حمدالله زاهد او مل پلاوي د درملو څارونکو په دوهم نړیوال انجمن کې، چې د دوبۍ ښار کې ترسره شو، ګډون کړی و
په دغه انجمن کې چې له ۶۰ څخه د زیاتو هېوادونو او د درمل جوړولو د مخکښو شرکتونو استازو شتون درلود، په کې د درملو د مقرراتو تطبیق او د GMP تاسیساتو د څارنې برخه کې د همغږۍ، په ځانګړي ډول د جنوبي هېوادونو او اروپا ـ آسیا سیمې تر منځ د همکارۍ په اړه بحث او خبرې ترسره شوې.
همدارنګه، د خوړو او درملو معینیت له لوري تر اوسه په هېواد کې د درملو جوړولو څلورو فابریکو ته د ښه تولید له امله د (GMP) تصدیق پاڼې ورکړل شوي دي او هڅې روانې دي چې نورې فابریکې هم دغه سند ترلاسه کړي.
