د عامې روغتیا وزارت د روغتیايي پراختیا او پالیسۍ مرستیال، ښاغلي ډاکټر محمد حسن غیاثي په خپل کاري دفتر کې د دغه وزارت د مرکزي ریاستونو له رئیسانو سره لیدنه ترسره کړه
د یادې لیدنې موخه د عامې روغتیا وزارت د مرکزي ریاستونو له لوري د ۱۴۰۳ هـ ش کال لپاره د وړاندیز شوو بستونو څخه دفاع او د هغوی اړوند معلوماتو شریکول وو.
د روغتیایي پراختیا او پالیسۍ مرستیال یوه ځانګړې کمېټه، چې په تشکیل کې یې د بشري سرچینو، معالجوي طب، پلان او پالیسۍ، څارنې او ارزونې، مالي او د روغتیایي سیستم د څارنې او معلوماتو راټولو ریاستونو استازي شامل و جوړه کړه؛ تر څو دوی و کولای شي د بستونو له ارزونې وروسته هغه بستونه چې اړتیا ورته لیدل کیږي په تشکیل کې شامل او غیر ضروري بستونه د ۱۴۰۳ هـ ش کال د تشکیل څخه لرې کړي.
په پام کې ده، چې د عامې روغتیا وزارت د ۱۴۰۳ هـ ش کال لپاره وړاندیز شوی تشکیل د معلوماتو راټولولو او نهایي کولو وروسته د چارو ادارې محترم ریاست ته د راتلونکو اجرااتو لپاره واستول شي.
