د عامې روغتیا وزارت د مالي او اداري چارو مرستیال، ښاغلي ملا بخت الرحمن شرافت او مل تخنیکي ټیم هلمند ته د سفر پر مهال د خوار ځواکو ماشومانو درملنې مرکز څخه لیدنه وکړه
د عامې روغتیا وزارت د مالي او اداري چارو مرستیال، ښاغلي ملا بخت الرحمن شرافت، چې د هلمند د عامې روغتیا رئیس مولوي فضلي احمد شفیع الله یې هم ملتیا کوله د لوږې پر وړاندې د مبارزې مؤسسې د خوار ځواکو ماشومانو درملنې مرکز د بېلا بېلو څانګو څخه لیدنه وکړه، ستونزې یې په نښه او مسؤلینو ته یې د حل په موخه لازمې سپارښتنې وکړې.
دغه راز، د مالي او اداري چارو مرستیال د یاد مرکز فعالیتونه او روغتیایي خدمات و ارزول او له روغتیا پالانو یې د لا ښه خدمت غوښتنه وکړه.
همدا راز، ښاغلي مرستیال د عامې روغتیا ریاست د درملو او طبي سامان آلاتو ګدام څخه هم لیدنه تر سره او د دغه ګدام پر منظم او معیاري ساتلو یې خوښي څرګنده کړه.
