د عامې روغتیا وزارت د مرکزي روغتونونو ۶۳ ډاکترانو او نرسانو ته د لومړنیو مرستو او BLS روزنه ورکړل شوه
د عامې روغتیا وزارت د ظرفیت لوړونې ریاست له لوري د روغتیايي کارکوونکو د مسلکي مهارتونو پیاوړتیا او ظرفیت لوړولو په موخه د مرکزي روغتونونو د ډاکترانو او نرسانو لپاره د لومړنیو مرستو او د زړه ـ سږو د احیا (BLS) برخه کې یو ورځنی روزنیز پروګرام ترسره شو
په دغه روزنیز پروګرام کې د مرکزي دولتي روغتونونو ۶۳ تنو ډاکترانو او نرسانو ګډون کړی و او د لومړنیو مرستو او زړه ـ سږو د احیا (BLS) برخه کې یې اړینې زده کړې ترلاسه کړې.
یاد پروګرام چې د عامې روغتیا وزارت د ظرفیت لوړونې ریاست په تالار کې ترسره شو، موخه يې د روغتیايي کارکوونکو د عملي مهارتونو پیاوړتیا او ظرفیت لوړول وو؛ ترڅو ناروغانو ته لا ښه او باکیفیته روغتیايي خدمتونه وړاندې شي.
