د عامې روغتیا وزارت د معالجوي طب عمومي ریاست تر چتر لاندې، د روغتونونو بنسټیزو خدماتو آمریت د یو ناستې په ترڅ کې په رسمي توګه خپل فعالیت پيل کړ

rasooli_admin
چهارشنبه ۱۴۰۳/۴/۲۷ - ۱۵:۵۵
moph

یاد آمریت د ډاکټر عبدالله اسلامپال په مشرۍ ۷ تنه کارکوونکي لري، چې د ولایتي، حوزوي او ولسوالیو په کچه روغتونونو د تخنیکي ملاتړ په برخه کې به خپلې اړوندې چارې ترسره کوي.

په همدې موخه جوړې شوې غونډه کې د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني د معالجوي طب عمومي رئیس، ډاکټر احمد سیر پاڅون، مرکزي رئیسانو او د بېلا بېلو ادارو استازو شتون درلود.

د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني د روغتیايي خدمتونو د لا ښه والي  په موخه د یاد آمریت ایجادول اړین وبلل او زیاته یې کړه، موږ هڅه کوو چې په راتلونکي کې د روغتیايي سکتور د پیاوړتیا برخه کې نورې ښې لاسته راوړنې ولرو؛ ترڅو د اړمنو هېوادوالو روغتیايي ستونزو ته په سمه توګه رسېدنه وشي.

سربېره پر دې د روغتیايي خدمتونو وړاندې کولو مرستیال له اړوندو مسؤلینو وغوښتل، چې خپلې چارې په سمه توګه پر مخ یوسې او د هېواد روغتیايي سیستم د پیاوړتیا په برخه کې لا زیاتې هڅې وکړې.

له بل لوري د عامې روغتیا وزارت د معالجوي طب عمومي رئیس ډاکټر احمد سیر پاڅون، د روغتیايي پراختیا او پالیسۍ معینیت ارشد مشاور ډاکټر ذاهدالله رسولي او د روغتونونو بنسټیزو خدماتو مسؤل، ډاکټر عبدالله اسلامپال د یاد آمریت د ایجاد موخو او فعالیتونو اړوند د غونډې کډونوالو ته معلومات وړاندې کړل.

تازه خبرونه

پنجشنبه ۱۴۰۳/۱۲/۲۳ - ۱۲:۴۸
Background image

د ننګرهار په اچین او سپین غر ولسوالیو کې له درملتونونو او عمده درمل پلورنځیو څخه نظارت ترسره شو

یاد نظارت د ننګرهار عامې روغتیا ریاست څارنې او پلټنې مسؤلینو له لوري په اچین او سپین غر ولسوالیو کې ترسره شو، چې پایله کې یې په زیاته اندازه له نېټې تېر او غیر مجاز درمل راټول او  دوه. . .

پنجشنبه ۱۴۰۳/۱۲/۲۳ - ۱۲:۴۲
Background image

د کونړ په نورګل ولسوالۍ کې دوه ګرځنده روغتیایي ټیمونو فعالیت پیل کړ

یاد ټیمونه چې د کونړ ولایت عامې روغتیا ریاست په هلو ځلو د روغتیا نړیوال سازمان په مالي مرسته او د هېواد مؤسسې په تخنیکي همکارۍ یې فعالیت پیل کړ، د پرانیستې مراسمو کې یې د کونړ عامې. . .

پنجشنبه ۱۴۰۳/۱۲/۲۳ - ۱۲:۳۱
Background image

د عامې روغتیا وزارت څارنې او پلټنې رئیس، ډاکټر کریم الله حلیمي په مشرۍ د کابل وزیر محمد اکبر خان دولتي روغتون څخه نظارت ترسره شو

د عامې روغتیا وزارت د څارنې او پلټنې ریاست، چې موخه یې د هېواد په دولتي او خصوصي روغتونونو کې د روغتیایي خدماتو کیفیت لوړل، هېوادوالو ته په معیاري توګه د روغتیايي خدماتو وړاندې کول او د. . .

BACK TO NEWS