د عامې روغتیا وزارت د مقام د دفتر لوی ریاست اړوند ویاندویۍ، اطلاعاتو او عامه اړیکو ریاست له لوري د دې ریاست کارکوونکو ته د ظرفیت لوړونې په موخه یو ورځنی ورکشاپ تر سره شو
یاد ورکشاپ چې د ویاندویۍ، اطلاعاتو او عامه اړیکو رئیس، ډاکټر شرافت زمان امرخېل له لوري تر سره شو، په ترڅ کې یې ګډونوالو ته د اداري چارو د ښه ترسراوي، د برنامو غوره مدیریت، راپور لیکنې ، د نشراتي چارو ښه والي ، ښې همغږۍ او د غوره وینا والۍ مهارتونو په اړه هر اړخیز معلومات ورکړل شول.
د ویاندویۍ، اطلاعاتو او عامه اړیکو رئیس، له ګډونوالو وغوښتل، چې د یاد روزنیز ورکشاپ په ترڅ کې زده کړي موضوعات دې په اړوندو کاري ساحو کې پلي کړي؛ تر څو د فعالیتونو کیفیت او مؤثریت نور هم لوړ شي.
ګډونوالو د یاد ورکشاپ له ترسره کېدو خوښي وښوده او دا یې د مسلکي ظرفیت لوړونې لپاره یو اغېزمن او مهم ګام وباله.
