د عامې روغتیا وزارت د نظارت رئیس، ډاکټر کریم الله حلیمي او مل پلاوي په مرکز کابل کې د AADA مؤسسې اړوند له دوو ورټیکل پروژو څخه نظارت تر سره کړ
د یاد نظارت په ترڅ کې چې موخه یې د روغتیایي خدمتونو کیفیت لوړل، هېوادوالو ته په معیاري توګه د روغتیايي خدمتونو وړاندې کول او چارو کې شفافیت دی، ترڅ کې یې ډاکټر کریم الله حلیمي او مل تخنیکي ټیم د یادو پروژو له بېلا بېلو برخو څخه لیدنه وکړه، ستونزې او نیمګړتیاوې یې په نښه، د حل په موخه یې له اړوندو مسؤلینو سره شریکې کړې او د پروژې مسؤلینو ته یې یادونه وکړه، چې د هوکړه لیک سره سم معیاري خدمتونه وړاندې کړي.
د نظارت رئیس همداراز، روغتیايي کارکوونکو ته سپارښتنې وکړې، چې د ناروغانو ستونزو ته د رسېدنې ،درملنې او معیاري خدمتونو برخو کې لا زیاتې هڅې وکړي.
د یادونې وړ ده، چې یادې پروژې د امیندوارو میرمنو او له ۶ تر ۵۹ میاشتني عمر لرونکو ماشومانو لپاره د منځنې کچې حاد خوارځواکۍ درملنې SAM او MAM خدمتونو وړاندې کولو مسؤلیت په غاړه لري.
