د عامې روغتیا وزارت سرپرست د اقتصاد له وزیرې سره وکتل
د عامې روغتیا وزارت سرپرست وزیر ډاکټر وحید مجروح، نن د خپل کار په دفتر کې د اقتصاد له وزیرې ډاکټر کریمه حامد فارابي سره وکتل.
په دې ناسته کې، دواړو لورو د غیر انتفاعي مؤسسو د فعالیت د ارزونې څرنګوالي او ګډې همکارۍ په اړه چې د روغتیا سکتور سره کار کوي خبرې وکړې.
دواړو لوریو د دواړو وزارتونو ترمینځ د روغتیایي مؤسساتو د ارزونې په برخه کې د همغږۍ د پیاوړتیا لپاره د یوې ګډې کمېټې پر جوړولو ټینګار وکړ.
د اقتصاد وزیرې د عامې روغتیا وزارت له مشرتابه وغوښتل چې د دې وزارت استازی په هغه کمېټه کې ټاکل شوې چې جوړه شي معرفي کړي.
په ورته وخت کې، د دغه وزارت سرپرست وزیر ډاکټر وحید مجروح د اقتصاد وزارت سره د هر اړخیزې همکارۍ پر پیاوړتیا ټینګار وکړ وې ویل: چې د روغتیا همکاران او غیر دولتي سازمانونه چې خدمتونه یې غوره دي تل زموږ لخوا ملاتړ کېږي، او د دې مؤسساتو د کاري سرغړونو او غفلت په صورت کې له دوی سره قانوني چلند کېږي.
