د عامې روغتیا وزارت پلان او پالیسۍ لوی ریاست له لوري د پراختیايي پروژو برخه کې د لا زیاتې همغږۍ په موخه ناسته ترسره شوه

rasooli_admin
سه‌شنبه ۱۴۰۳/۱۱/۹ - ۱۶:۱۱
MOPH

یاده ناسته د عامې روغتیا وزیر، ښاغلي مولوي نور جلال جلالي، مرکزي رییسانو او پراختیايي پروژو د مسؤلینو په شتون کې ترسره شوه.

په دې ناسته کې د بودجې او پراختیايي پروژو د مصارفاتو په اړه د عمومي معلوماتو، د پراختیايي پروژو برخه کې د روان ۱۴۰۳ لمریز کال له پیل تر پایه د احتمالي مصارفاتو، د پراختیايي پروژو مسؤلینو له لوري د یو لنډ راپور ورکولو، په پروژه واره توګه د پراختیايي پروژو د مصارفو په اړه د تشریحاتو او د اړوندو ادارو ترمنځ لا زیاتې همغږۍ اړوند بحث او خبرې ترسره شوې.

د عامې روغتیا وزیر، ښاغلي مولوي نور جلال جلالي له اړوندو مسؤلینو وغوښتل، چې خپلو مسؤلیتونو او زیاتې همغږۍ ته په پاملرنې شته بودجه د پراختیايي پروژو برخه کې په اغېزمنه توګه وکاروي؛ ترڅو هېوادوالو ته په معیاري توګه روغتیايي خدمات وړاندې شي.

بل لور د روغتیا په برخه کې د پراختیايي پروژو مسؤلینو د مصرف شوې بودجې په اړه د راپورونو د تشریح کولو سربېره خپلې ستونزې او وړاندیزونه د روغتیا وزارت له رهبرۍ سره شریک کړل او د دوه اړخیزې همکارۍ ډاډ یې څرګند کړ.

تازه خبرونه

سه‌شنبه ۱۴۰۳/۱۱/۳۰ - ۱۵:۳۵
Background image

هرات کې د خوراکي توکو پلورنځیو څخه نظارت ترسره شو

یاد نظارت د هرات عامې روغتیا ریاست څارنې امریت له لوري په څلورمه ناحیه کې له یو شمېر خوراکي توکو پلورنځیو څخه ترسره شو، چې پایله کې ۱۳ قلمه له نېټې تېر خوراکي توکي چې درې بستې کېدل،. . .

سه‌شنبه ۱۴۰۳/۱۱/۳۰ - ۱۵:۲۰
Background image

د ا.ا.ا. د عامې روغتیا وزیر، ښاغلي مولوي نور جلال جلالي سره د جاپان سفیر، تاکایوشي کوروما د روغتیا برخې اوسنیو همکاریو پر دوام او پراختیا لیدنه ترسره کړه

ښاغلي وزیر، روغتیا برخه کې د جاپان هېواد له اوسنیو همکاریو څخه د مننې ترڅنګ د روغتیا وزارت نوې جوړې شوې ملي پالیسۍ په اړه وویل: دا پالیسي به د روغتیا برخې کاري شریکانو ترمنځ همغږي لا. . .

سه‌شنبه ۱۴۰۳/۱۱/۳۰ - ۱۲:۷
Background image

ننګرهار کې د درملو له یو شمېر عمده پلورنځیو او شرکتونو څخه نظارت ترسره شو

یاد نظارت د ننګرهار عامې روغتیا ریاست څارنې او پلټنې امریت له لوري د جلال آباد ښار لومړۍ او دوهمې ناحیو اړوند، د درملو له یو شمېر عمده پلورنځیو او شرکتونو څخه ترسره شو، چې پایله کې ۷۰۰. . .

BACK TO NEWS