د عامې روغتیا وزیر، ښاغلي ډاکتر قلندر عباد په خپل کاري دفتر کې په متحده عربي اماراتو کې د افغانستان له سفیر، ښاغلي مولوي بدرالدین حقاني سره لیدنه ترسره کړه
![moph](/sites/default/files/2024-05/whatsapp_image_2024-05-08_at_15.43.19_5653afd8.jpg)
په دې لیدنه کې د روغتیا په برخه کې د بې وزلو هېوادوالو د لاسنیوي، د دوامداره وینې کمونکو (تلاسیمیا) ناروغانو لپاره د روغتون جوړېدو، د روغتیايي سیستم د پیاوړتیا او د افغان روغتیايي پرسونل د ظرفیت لوړونې اړوند بحث او خبرې ترسره شوې.
د عامې روغتیا وزیر، ښاغلي داکتر قلندر عباد د روغتیایې سیستم د پیاوړتیا په برخه کې د افغان روغتیايي کارکوونکو ظرفیتونه لوړل اړین وبلل او په دې برخه کې د متحده عربی اماراتو د همکارۍ غوښتونکی شو.
له بل لوري په متحده عربي اماراتو کې د افغانستان سفیر د روغتیايي سیستم د پیاوړتیا، د بې وزلو هېوادوالو د درملنې او د دوامداره وینې کمونکو ناروغانو لپاره د روغتون جوړېدو په برخه کې د دې هېواد د روغتیايي ادارو سره د موضوعاتو د شریکېدو ډاډ ورکړ.