د عامې روغتیا وزیر، ښاغلي ډاکټر قلندر عباد په خپل کاري دفتر کې د افغانستان لپاره د ازربایجان له سفیر، ښاغلي الهام ممدوف سره لیدنه ترسره کړه
په دې لیدنه کې د روغتیا په برخه کې په ګډه همکارۍ، د افغان روغتيايي پرسونل د ظرفیت لوړونې، په روغتیايي برخه کې د ازربایجان هېواد د ونډې او ګڼو نورو روغتیايي موضوعاتو اړوند بحث او خبرې ترسره شوې
د عامې روغتیا وزیر، ښاغلي ډاکټر قلندر عباد د افغانستان او ازربایجان هېواد ترمنځ اړیکې اړینې وبللې، او د دواړو هېوادونو ترمنځ د دوه اړخیزو همکاریو غوښتونکی شو.
ښاغلي وزیر همدا راز وویل، د افغان روغتيايي پرسونل ظرفیت لوړونه زموږ له لومړیتوبونو څخه ده او په همدې موخه له بېلا بېلو لارو په هڅه کې یو؛ ترڅو د ظرفيت لوړونې لپاره یې زمينه برابره کړو.
د ازربایجان سفیر په روغتیايي برخه کې د ګډ کار او پر دوامداره همکارۍ خوښي څرګنده کړه او و یې ویل، موږ هڅه کوو، چې د روغتیا په برخه کې د افغانستان سره دومداره مرسته او همکاري وکړو.
