د عامې روغتیا وزیر د مختلفو ولایتونو له والیانو سره وکتل
د افغانستان اسلامي امارت د عامې روغتیا وزیر ښاغلي، مولوي نورجلال جلالي په خپل کاري دفتر کې د غزني ، غور او پکتیا ولایت له والي صاحبانو او روغتیايي مسؤولینو سره د دې ولایتونو د روغتیايي خدماتو پر وړاندې کولو ، ولسونو ته د روغتیا په برخه کې د اسانتیاوو را منځته کولو او شته امکاناتو څخه د ښې استفادې په موخه ناسته ترسره کړه!
په دې ناسته کې د یادو ولایتونو د واليانو له لوري د روغتیا په برخه کې د ولسونو اړتیاوې له ښاغلي وزیر سره شریکې او د همکارۍ غوښتونکي شو ، ښاغلي وزیر د یادو سیمو د ستونزو د حل په موخه ډاډ ورکړ چې د روغتیايي خدماتو د ښه والي لپاره به لازمې هڅې تر سره کړي ، تر څو ولسونو ته په روغتیایي خدماتو کې لا اسانتیا را منځ ته شي.
