د عامې روغتیا وزیر په ایران کې د ماشومانو متخصصو روغتونونو سره لیدنه وکړه؛ د افغان روغتیايي کارکوونکو د روزنې او دوه اړخیزو همکاریو ژمنه
د ا.ا.ا د عامې روغتیا وزیر، ښاغلي مولوي نور جلال جلالي ایران ته د خپل رسمي سفر په ترڅ کې د ماشومانو ناروغیو درملنې طبي مرکز (مرکز طبي کودکان) او حکیم د ماشومانو ناروغیو درملنې روغتون له مسؤلینو سره په دوو جلا غونډو کې لیدنه وکړه
په دې لیدنه کې په بېلا بېلو برخو (د هډوکو د مغز ټرانسپلانټ، نفرولوژي، زړه او یو شمېر نورو فوق تخصص برخو) کې د افغان روغتیايي کارکوونکو د روزلو او په افغانستان کې د ماشومانو ناروغیو درملنې له دولتي روغتونونو سره د دوه اړخیزو همکاریو په موخه د هوکړه لیک په اړه بحث او خبرې ترسره شوې.
د یادو روغتونونو مسؤلینو په ذکر شویو برخو کې د افغان روغتیايي کارکوونکو د روزلو او په افغانستان کې د ماشومانو ناروغیو درملنې له دولتي روغتونونو سره د هوکړه لیک، چې له مخې به یې په بېلا بېلو برخو کې تجربې شریکي او د دوه اړخیزو همکاریو لار پرانیستل شي، د ژمنتیا ډاډ څرګند کړ.
