د غاښونو د لایحې د بیا کتنې دوهم پړاو ناسته ترسره شوه
په دې ناسته کې چې مشري یې د څارنې او پلټنې لوی رئیس، ډاکتر عنایت الله عنایت کوله، د روغتیایي تاسیساتو د پلټنې رئیس، د طبي شورا لوی ریاست استازي، د خصوصی سکټور د همغږۍ ریاست استازي، د ستوماتولوژي روغتون شف او د غاښونو د اتحادیه رئیس ګډون درلود.
یاده ناسته د غاښونو د لایحې د بیا کتنې او تعریفاتو د اصلاح او معیاري کولو په موخه ترسره شوه، چې په کې د لایحې د مادو په اړه هر اړخیز بحثونه تر سره شول؛ تر څو دغه لایحه د معیارونو سره سم لا اغېزمنه او عملي شي.
ګډونوالو د لایحې د تطبیق پر وړاندې په شته ننګونو بحث وکړ او د حل لپاره یې لازم وړاندیزونه شریک کړل.
ټاکل شوې چې د لایحې د تطبیق وروستۍ پایلې د مسلکي کمېټې له خوا ترتیب او د نهايي منظورۍ لپاره د وزارت مقام ته وړاندې شي.
