د لومړي ځل لپاره سمنګان ولایتي روغتون کې د ۵۰۰ میلیامپیر ايکسری (X-Ray) ماشین نصب او ګټې اخیستنې ته وسپارل شو
دغه ماشین د عامې روغتیا وزارت له بودجې څخه اخیستل پېرل شوی او د تشخیصيه خدماتو د پیاوړتیا، د روغتون اساسي اړتیاوو پوره کولو او د روغتیایي خدمتونو د کیفیت ښه والي په موخه دې روغتیايي مرکز ته سپارل شوی دی.
دا ۵۰۰ میلیامپیره ایکسری ماشین د دقیق انځور اخیستنې وړتیا لري او د ناروغانو د خوندیتوب معیارونه په کې پام کې نیول شوي دي، چې د ناروغیو په ښه تشخیص او د درملنې بهیر په چټکتیا کې مهم رول لري او د سمنګان ولایت د روغتیایي خدمتونو لوړوالي برخه کې یو اغېزمن ګام بلل کېږي.
