د ننګرهار په بي بي فاطمه الزهراء ولایتي روغتون کې عمومي زیرمتون، د انډوسکوپي، کلونوسکوپي، د لابراتوار کلچر او پولي کلینیک څانګې ګټې اخیستنې ته وسپارل شوې
په همدې موخه جوړه شوې غونډې کې د ننګرهار عامې روغتیا رئیس، مولوي امین الله شریف خلکو ته ډاډ ورکړ، چې د یاد ولایت د روغتیايي سکتور پیاوړتیا لپاره به خپلو هڅو ته دوام ورکړي؛ څو خلکو ته باکیفیته او معیاري خدمات وړاندې شي.
دغه راز، د ولایت د مقام په استازولۍ د کارکوونکو چارو رئیس مولوي عبدالله ساجد او یو شمېر نورو مسؤلینو هم د پرانستې اړوند ویناوې وکړې، د روغتیا پالانو خدمات یې وستایل او د نویو څانګو په پرانیسته یې خوښي وښوده.
