د پکتیا ولایت روغتیايي مرکزونو سره د (۵.۵) میلیونه افغانیو په ارزښت د طبي تجهیزاتو مرسته وشوه
دا مرسته د یونیسف ادارې په مالي ملاتړ د هیلت نیټ تطبیق کوونکې مؤسسې له لوري وشوه، چې په کې د اکسیجن بالونونه، ایکسری ماشینونه، د عملیات خونو میزونه، د ژمي کمپلې او نور بېلا بېل تجهیزات شامل دي.
د پکتیا ولایت د عامې روغتیا رئیس، ډاکټر معراج ګل عادل دا تجهیزات د روغتیايي خدماتو د کیفیت ښه والي لپاره مهم وبلل او له روغتیايي کارکوونکو یې وغوښتل چې په اغېزمنه توګه یې وکاروي.
همدارنګه، د هیلت نیټ مؤسسې ولایتي مسؤل، ډاکټر حفیظ الله ملنګ وویل، چې دا تجهیزات به ډېر ژر روغتیايي مرکزونو ته وویشل شي او په دې توګه به په روغتیايي مرکزونو کې طبي اسانتیاوې لا ښه شي.
