د کندهار ولایت میرویس سیمه ییز روغتون د ټراینرانو ۴۰ خالي بستونو لپاره ازموینه واخیستل شوه
یاده ازموینه چې د ازموینو ملي ادارې له لوري واخیستل شوه، پرانیست غونډه کې یې د عامې روغتیا وزارت د روغتیايي خدمتونو وړانډې کولو مرستیال، ښاغلي مولوي عبدالولي حقاني او مل پلاوي شتون درلود.
د روغتیايي خدمتونو وړانډې کولو مرستیال، ګډونوالو ته د یادې ازموینې په اړه هر اړخیز معلومات ورکړل، هغوی یې روغتیا برخه کې خدمت ته وهڅول او ویې ویل: «دا ازموینه چې د عامې روغتیا وزارت له لوري د ازموینو په ملي ادارې په همکارۍ اخیستل کېږي، ټولو ګډونوالو ته یې د بشپړ شفافیت ډاډ ورکوو او په ازموینه کې ورته د بریالیتوب هیله څرګندوو».
